Santu Roccu meu gluriusu
tie patrunu delli appestati
Nu pirdire tiempu ‘ddha susu
Ca’ quai stamu male cumbinati
Dalla Cina lu nimicu è rriatu
Zumpannu, cantannu a tutti li ienti
Puru lu tou cane l’aje ‘nduratu
Stu nou morbu de lu doimilaeventi
Tene le punte a forma de corona
gira, ota ‘nddha l’aria e infetta ogni persona
De casa nu putimu cchiui ssire e mancu lu vicinu pote trasire
Na fiata an’ddhu paese se dicia: “fose la regina ca’ ibbe bisognu de la vicina”
Ma stu virus imperatore sta ne ‘llea puru lu core.
Nui sta vivimu nu periodo de turmentu,
ne pare ca vidimu in anticipo l’infernu
me vene na scilatura
lu sinnicu ca dice: tutti a casa, ‘ntra na chiusura!
Sulu alla finescia ne putimu ‘nfacciare
“la fine delle ulie” stu virus n’ae fattu fare
De vilenu simu stati ‘nzurfati
A unu a unu n’hannu scucchiati
Moi sperimentamu ca’ la vita è lotta
Ca puru lu tou fiju, Dio miu, nasciu sulu n’ddha na grotta
Perdunane, Signore, tu che sai amare
li peccati nosci, te preu, nun li misurare
De sta trappula de morte fanne alluntanare
a sta cattiva sorte nun ci lasciare
Santu Roccu stenni verso de nui la tua manu
Tie ca si lu protettore de Giurdignanu
i tuoi occhi sono pieni di armonia
Implora, Tu, la Vergine Maria.
Ada Cancelli
